Mulaqaat

Dekha onhi Aankho ko isi ankh sey mene
Her Ankh mey Deedar ka Aramaan Saja hai

Matam k Muqalif karen Jitne Bhi Dhamakay
Her Dil Mey tu Zainab Ka Hi Farmaan Saja Hai

Is Doar k yazid ko Deyde Koi Paighaam
Her moar per tere liye shamshaan saja hai

Abis tu hai Tayaar Mulaqaat ko Kab Sey
Yeh nazm nai janey ka samaaan Saja hai

Idraak

Imkan Ki Handon sey hai bala qalam ka qud
Sidra talak hue mere idraak ki rasad

Alfaz gom hogaye, kam par gaye adad
leykin mujhe nah mil saki Mola Ali ki Hud

Samjhon bhi kia Ali ki fazilat k toool ko!
Ata hai yeh Khuda ko samjh, yeh Rasool ko!

Hasil-e-Jaffa

Guroor toot gaya koi martaba na mila

Jaffa kay baad bhi kuch hasil-e-jaffa na mila

Sir-e-Hussain mila hai yazid ko leykin

Shikast tu yeh hai k phir bhi jhuka howa na mila

Mere Ashaar

ASHAAR MAY MERAY JO HUNAAR BOL RAHA HAI
ZEHRA(S.A) KE DUAO KA ASUR BOL RAHA HAI

IS BAAT PAY HAIRAAN HAI HER DOR KA MUNKIR
KHAMOSHEYAAY DEEWAR MAAY DUR BOL RAHA HAI

YEH KON C MANZIL HAI TERAY ISHQ KE MEESUM(R.A)
TU DAAR SAY BAYKHOF-O-KHATAR BOL RAHA HAI

POOCHOO ABUTALIB(A.S) K BATHEJAY(SAWW) HE SAY POOCHOO
MAIRAJ MAY YEH KIS KA PISUR BOL RAHA HAI

BACHNA KOI ASAAN TU NAHEE TAIGH-E-ALI(A.S) SAY
YEH MAY NAHEE JIBRAEL(A.S) KA PAR BOL RAHA HAI

BIDA'AT JO AZADARI KO TU KEHTA HAI WAIZ
YEH TU NAHEE SUFIYAN KA SHUR BOL RAHA HAI

TU APNAY ZAMANAY KA OWAIS-E-QARANI(R.A) HAI
MATAM KE HIMAYAT MAY AGUR BOL RAHA HAI

AWAZ AZANO KE JO HUR SU HAI JAHAN MAY
SHABBIR(A.S) TERA LAKHT-E-JIGUR(A.S) BOL RAHA HAI

YEH MANZIL-E-AIZAZ SAY AAGAY KE HAI MANZIL
JO NEZAAY PAY RUKHA HAI WO SIR BOL RAHA HAI

BACHOO KE ZUBAN PER HAI JO KERBAL KE KAHANI
BANO(S.A) YEH TERA NOOR-E-NAZAR BOL RAHA HAI

GHAR GHAR HAI BAPA AAJ JO SHABBIR(AS) KE MAJLIS
YEH KHUTBAA-E-ZAINAB(S.A) KA ASUR BOL RAHA HAI

SUNNAY KO SOHAIL AAY HAIN MoLA(A.S) TERAY ASHAAR
TEHRRER KA HER ZER-O-ZABAR BOL RAHA HAI

Shaheed

Jo Bughz-e-Aal-e-Muhammed Mey Mar Gaya Mohsin
Koi bhi dour ho woh bus yazid hota hai

labon pey nad-e-Ali or hath seene per
Jo is tarhan sey gaya woh shaheed hota hai

Zehra kay dushman

Zehra kay dushmano kay Moqadar sey khouf kha!
Dozakh bhi on kay jurm ki pori saza nahe

Karbala

NA JANAY KIUN MERI AANKON MAIN AA GAYE ANSO

SIKHA RAHA THA MAIN BACHAY KO KARBALA LIKHNA

Sipah-e-Sahaba

Saqifa Se Nikli Jahalat Ki Tukri
Na Manzil Mayasar Na Raa-e-Sahaba

Woh Niyat Mai Andhi, Shareeyat Mai Bhengi
Woh Na Aashna-e-Nigah-e-Sahaba

Yehi Hai Woh Aal-e-Mohammad Ki Dushman
Jo Ab Dhundti Hai Panah-e-Sahaba

Isi Ka Takhalus Tha Fouj-e-Yazeedi
Isi Ka Laqab Hai Sipah-e-Sahaba

Bood Ali Bood - Rumi & Shams

Ta soorat e paiwand Jahan bood Ali bood
Ta naqsh e zameen bood, zamaaN bood, Ali Bood

Ham awwal o, ham aakhir o, ham zaahir o baatin
ham aabid of ham maaabad o maabood Ali bood

Shahi keh vali bood o wasi bood Ali bood
Soltan Sakha o karam o jood Ali bood

Ham adam o ham shis o ham ayoob o ham edris
ham yusuf o ham yunus o ham hood Ali bood

ham moosa o ham isa o ham khez o elayas
ham saleh o ham peyqamber davod Ali bood

Masjood Malayek keh shod adam ze ali shod,
dar qiblah Mohammad bod o Maqsood Ali bood

Vejehi keh bayan kard khodavand dar "al-hamd
an vejeh bayan kard o befarmood ali bood

Isa be vojood amad o fi al-hal sokhan goft
an notq o fesahat keh dar ooo bood Ali bood

Chandankeh dar afaq nazar kardam o didam
az rooyeh Yaqin dar hameh mojood ali bood

An kashef quran keh khoda dar hame quran
kardash sefat Esmat o bestood Ali bood

In kufr nabashad , sokhan kufr nah in ast
ta hast Ali bashad o ta bood Ali bood

In do seh beyti keh begoftam beh Mo3ama
haqa keh morad man o maqsood man Ali bood

An shir delavard keh ze bahr tam3 nafs
bar khan jahan panjeh nayalood Ali bood

Sar do jahan jomleh ze peyda o penhan
shams al-haq tabriz keh benmood ali bood

Jashan-e-Wafa

Sakhi K Zikr e Wafa Mai Tu Aa Saka To Nahi
Phr Apnay Ap Se Puch, tu Bewafa To Nahi

Yeh Arahi Hai Sada Badshah K Panjay Se
Humara Hath Kata Hai Magar Jhuka To Nahi

Nusairiyon Ney Ye Ek Dusray Se Pucha Hai
Khuda Ki Goud Mai Soya Huwa Khuda To Nahi

Or Ali Zikar Se Jalta Hai Tera Dil To Zarra
Tu Apni Maa Se Pata Kar Koi Khata To Nahi

Meezan-e-Jihalat

Meezan-e-Jihalat mey gohar tol raha hai
Peymana-e-Tableegh mey sum ghol raha hai

Gar Ya Ali kehne se koi roke to samjho
Shaytaan ki mehfil se koi bol raha hai

Halali Mawali

Yeh Zaba'n kaat do , Jism-o- Jaan Kaat do, midhat-e-MURTAZA ki saza do mujhay ..
Tukray Tukray karo mera sara badan Aag Roshan karo or Jala do Mujhay ..
Zikr-e- Shah-e- NAJAF say Rukun ga nahin, chahay 100 baar sooli charha do mujhay.
Jub mere Jism ki raakh bun jaey to Lay k haathon mein Apnay Ura do mujhay .

Aik do din hi nahi shab-e-mheshar talak , jab jahan jis taraf woh hawa jaye gi
Aik halali mawali ka wada raha Ya Ali , Ya Ali ki sada ayegi.

Fatima

Dulhan Nabi ki Ladli , Dulha Khuda ka lal
Kia arsh pey charhi teri baraat Fatima

Parti namaz moo pey hai phirte hen jin k moo
tujh per jo bhejte nahi salwaat Fatima

Mey on bhikariyon ko ghani kis tarhan kahon?
Jo log khagaye tere bhagaat Fatima

Aur mumkin nahi kay mey raziallah kahon onhe
Kerti rahi hai jinki shikayat Fatima

Sa

Bando Ko Ali kerta hai tauheed shanasa
Wahdat ki hai taskeen risalata ka dilasa

Mana kay ibadat hai yeh roza yeh namazyen
Kab kis mey maza hai koi haider ki wila sa

Haider sey adawat hai tu phir chordey sajde
Such yeh hai waiz tera taqwa hai ghuna sa

Asghar ka tabassum howa nou lakh pey bhari
Shabbir ka chota sa pisar bhi hai bara sa

Majlis mey tu hai paanch bhi saye mey isi kay
Abbas ka parcham bhi hai Zehra ki kissa sa

Shabbir K barey mey yeh khete hen nuseri
Allah ka beta hai muhammed ka nawasa

Allah bachaye mujhe her shirk sey shaukat
Wese yeh nuseri ka khuda hai tu khuda sa.

Samjho kay ossey Ma k gunahon pey yaqeen hai
Shaq ho jissey Haider ki wilayat mey zara SA!

Banda koi , Mola koi , Allah ossey samjha
Her ankh ney Qarar ko dekha hai Juda Sa

khiyal-o-jawab

Lehed mey ayen gay woh yeh saans-e-akhir tak
dil mey aik basa howa khiyal raha

kab sey , kis k sath hen or kab tak rahen gay
dil mey aik chupa howa sawal raha

or phir meri zuban pey Saqi Murtaza ka naam
dil mey her aik sawal ka jawab raha

"Ali Tha " by Shams Tabrizi ( Spiritual instructor of Rumi )

Taroon ne abhi aankh na kholi thi Ali(a.s) tha,
Na Amn Ka Pegham na holi thi Ali(a.s) tha,
Daata tha Duain thee na jholi thi Ali(a.s) tha,
Khaliq ki Zuban "Kun" bhi na boli thi Ali(a.s) tha,
Hud hogyi Adam ki jabeen mey bhi Ali tha
Angosht-e-Suleman k nageen mey bhi Ali tha
Yousuf k haseen naqsh-e-haseen mey bhi Ali tha
Yaqoob k Allah pey yaqeen mey bhi Ali tha
Allah ki taqleeq ka Maqsood Ali Hai
Khud apne Khuda ki Liye Masood Ali Hai
Hud Hogyi Abid Ka bhi Mabood Ali Hai
Mairaj K Pardey Mey bhi Moujood Ali Hai
Nooh thay na Abhi un ka Safina thaa Ali(a.s) tha,
Yasrab thay na Makkah tha Madeena tha Ali(a.s) tha,
AAbid na Ibadat ka Qarina tha Ali(a.s) tha,
Marjao na Marna tha na Jeena tha Ali(a.s) tha,
Na Looh o Qalam thay na MOUA'ALLA tha Ali(a.s) tha,
Malakoot mahel thay na Mohalla thaa Ali(a.s) tha,
Wahid ussi Wahid ka Tajalla tha Ali(a.s) tha,
Us Waqt 'Ali' thay k jab Allah tha,'Ali(a.s) tha.

Koi tu hai 2

Abis sey poch ley koi yeh baar baar kiun ?
Munkir-e-Batool per saawal rakhta hai?

kisi mushkil mey koi mushkil meri mushkil nahi rheti
koi tu hai jo mera khiyal rakhta hai !

Koi tu hai

Ali ka ziker mujhe ba kamaal lagta hai
Woh mere aaib per bhi parde daal rakhta hai

hazaar moat sey nikal k mey ab bhi zinda hun
Koi tu hai jo mera khiyal rakhta hai

Do Roop

Abbas bhi hai apne Muhammed ka Muhafiz

Chereh sey Alamdar lage Sher-e-Jali bhi

Aik jism mey do roop diye is ko Khuda ney

Aik waqt mey Ghazi, Abutalib bhi Ali bhi

Apni Dua

Abis ko bhi Kerde ata on k nokar ki sanad
Han apni duaon mey faqat mang raha hai!

Najaf mey sajey tere hi jalwe ki qasam hai
Daman-e-Haider mey panah mang raha hai

Hojaye dafan moat bhi ajaye wahin per
bus kerbobala hi mey jaga mang raha hai

Her sal uthata rahe woh parcham-e-Abbas
Or osi ibadat ka hunar mang raha hai

Muslim hun k Hur John ya hun Ibne-mazahir
bus aese hi kismat woh sada mang raha hon.

Han Apni Duaon mey faqat mang raha hai :)

Wasf-e-Khudai

RATOON KO ALI. A.S JAGAY TU KHALIQ NAY YE SOCHA...
FARSHE SHAB-E-HIJRAT KO BICHANA HI PARAY GA........

CHIIN JAYEE NA MUJHSE YE MERA WASFE KHUDAYE.....
EK SHABB K LIYE ISKO SULANAA HI PARAY GAAAA

Zainab s.w Ki Awaz

Bazaron mey karti hen jo chehron ki numaish

Aey bibiyo kia yaad tumhain koofa nahi hai

khutba bhi sunaya tha to lehjay meyi Ali k

Zainab ki tu awaaz bhi beparda nahi hai

Baqar A.s Al-e-Muhammed or Zainul Abbideen A.s

BAQAR AAL E MOHAMMAD AUR ZAIN UL AABIDEEN
KIS TARAH ZINDA RAHEY GOYA HAY RAAZ-E-KIBRIYA

KARBALA KI HAR BALA HAR IBTALA KO JHAIL KAR
ZINDAGAI IN KI HAQEEQAT MEIN HAY ZINDA MOJZA

Mera Hussain

Ye Muftiyan-e-deen sey kehti hai Karbala

Bidat usi ki yaad jo jeena sikha giya?

Tum lakhon sey ek Lal Masjid na bach saki

Mera Hussain Sarri khudaee bacha gaya :)

Shabeer - o - Shariyat

Aye Jhoot K Fatwoon Ki Dukaan Kholne Waley
Farman-e-Payamber ko na is Tarhan Bhola Dey

Hum Matam-e-Shabeer Sey Ruk Jayen Gay Aye Dost
Shabeer-o-Shariyat Mey Zara Farq Batadey

Jafri - Ja Free

Hamara Manshoor Zikr-e-Haider, Hamara Maqsad Ali Ali hai,

Ali Munafiq ki Maut bhi hai,Ali Malangon ki Zindagi hai,

Baroz-e-Mehshar Kahainge Hans Kar Har Ek se Yeh Farishte,

Ali Ka Naukar Ali Ka bandah,Tu JAFRI hai to Ja - FREE Hai..

Imamat or Imam

Jin k dil ki wadiyon mey karbala taameer hai
Un ki khushiyon ki zamanat parcham-e-shabbir hai

Isko khete hai IMAMAT aese hote hen Imam
Hath my sari khudai paon my zanjeer hai.

Chor Dain?

Hadson Ki Zad Pe Hain To Muskurana Chor Dain?
Zalzalon K Khof se Kia Ghar Banana Chor Dain?

Karbala Ka Gham Moqaddum,Saari Khushiyan Ek Taraf
Sal-e-Noo K Naam Par Dargah Sajana Chor Dain?

Jaan Ki Parwah Nahi Hai, Lab Pay Hai Bass Ya Hussain
Khud Kashon K Khof Se Kia Gham Manana Chor Dain?

Ye Alam, Ye Taa'ziye Shabbir Ki Nisbat Se Hain
Shirk K Fatwon K Dar Se Kia Uthana Chor Dain?

Yeh To Hai Ajar e Risalat,Sab Ada Karty Rahain
Rab se Na Ghafil Hain Na Majlis Mai Aana Chor Dain.

Abis Ibn-e-Shabeeb Al-Shakri

Dil jub se howa khaq pay Qumber k barabar
Mey khud ko samjhta hon sikander k barabar

Ata nahi Yaqeen tu Measum sey Pochlo
Ishq-e-Ali ka qatra bhi samunder kay baraber

Shauda-e-Kerbala mey sey aik naam ka asar
Abis yeh dunia teri thokar k baraber!

Abbas Ki Chahat

Abbas Ki Chahat Ka Ye Aalam Hai Jahan Mai
Har Sans Py Lagta Hai K Naizay Ki Anni Hai

Dariya Mai Ubharti Hui Moujon Ko Zara Dykh
Ye MataM-e-Abbas Mai Zanjeer Zani Hai

Juloos-e-Aza

Mola Se Jo Wada Hai Sada Pura Karen Gey

Ab Pehlay Se Ziada Ye AzZa Barpa Karen Gey

Jitne Bhi Dhamakay Karay Ye Nasal-e-yazeedi

Mola Tera Juloos-e-Aza Pura Karen Gey

Rasm-e-yazidi

Mat Soch ke Hum tere dhamakon say daray hen
Ye Zulm to Shiyon pe Pehlay bhi hue hen

Tu Rsam-e-yazidi ko bare shoq sey apna
Hum Fatima Zehra ki duaon ma palay hen

Condemns Lahore Blast!

Na rokne se kisi ke ruka Juloos-e-aza

Utha ke laashon ko chalta raha juloos-e-aza

Na rook payi ajal matami ko matam se

Nikaltay rahe Ahl-e-aza Juloos-e-aza

Ali

Tu Ne Samjha Hai K Khaiber He Urata Hai Ali?
Ya Faqat Pardah-e-Mayraaj Mai Jata Hai Ali?

Mere Qarrar Ki Jurrat Ka Yeh Andaaz Bhi Dekh
Apne Soye Huwe Qatil Ko Jagata Hai Ali :(

aal-e-saud

Paglee rahiyat k ghunegar wali aal-e-saud.

Zulm kerte rahe or adal ka unwaan rahe.

Hum sahaba ki ghulami karen tab bhi kafir

Woh mazarat gira ker bhi musalman rahe?

Shabbir Ka Daman

Wo Ibn-e-Mazahir Ho k Hurr John k Muslim

Ye Khe k Bicharta Tha Har Ek Dar-e-Fanna Se

Jannat Mey Bhi Mushkil Se Meri Aankh Khulay Gi

Soya Hun Mai Shabbir k Daman Ki Hawa Se

Qarz-e-Ibn-e-Ali

Mushkil Ha Qarz-e-Ibn-e-Ali Ki Adayegi

Qudart Ko Phir Udhar Na Leyna Paray Kahin

Jannat Tu Kuch Nahin Mujhe Dar Hai K Hashar Mey

Allah Ko Apna Arsh Hi Na Deena Paray Kahin.

Mere Agey

Sheh khete they yeh lashkar-e-aada mere agey
aese k hoo khaak ka zarra mere agey.

Kaiber mey Ali khete they derwaza gira ker
Kiun rakha tha tumne yeh khelona mere agey

Jibreal yeh kisi Maa sey kaha kerte they akser
Rakh dijiye Shabir ka jhola mere agey.

Mey jab bhi uthata hun Alam Ibn-e-Ali ka
Chalta hai Alamdar ka Saya mere agey

Do Ashk Hi Ankhon Sey Girey They Sir-e-majlis
Saya Kissi Rumaal Ka Aya Mere Agay.

Douzakh

Dil mey ager iblees ki mourat hi na parti

Zehno mey mawaddat ki kadorat hi na parti

Kerte sabhi insan ager pyar ALI se

Douzakh ko banane ki zaroorat hi na parti

Matam-e-Hussain

Hai marze la dawa ki dawa Matam-e-Hussain
Mushkil mey bhetareen dua Matam-e-Hussain

Marta hai jism roh mey hoti hai zindagi
Rooh ki hai bhetareen ghiza Matam-E-Hussain

Yeh ehed wafa hai taluq hai bakht hai
Meesaq mey hi humney chuna Matam-e-Hussain

Ma loriyon mey nohay sunati rahi mujhe
Mene tu apni Maa sey liya Matam-e-Hussain

Roza,namaz,qhums,zakat-o-jehad-o-hajj
Yeh sab k sab amal hen , jaza Matam-e-Hussain

Aye Ashiqan-e-Ale-Muhammed na chorna!
Ishq-e-Ali, Namaz-e-Khuda, Matam-e-Hussain

Her matami k ghar pey zarori hai doston
Jaye namaz, farsh-e-aza, Matam-e-Hussain

Chalti hawa ko ruk saka hai bhala koi?
Ab tu gali gali mey howa Matam-E-Hussain

Hum khalq jab huen hen Dua-e-Batool sey
phir tu batool sey hai wafa Matam-e-Hussain

Pachtaye ga yeh khe k jahanum mey molvi
kia kia kiya mager na kiya Matam-e-Hussain

Sidra sey Jibarel ney mujh ko yeh di khabar
shaukat raza , khuda ki raza Matam-e-Hussain

Jalan kis liye?

Mere mathe pey mherab-e-ishq-e-Ali
Tere mathe pey akhir shikan kis liye?

Apni ankhe meri apne anso mere
Teri ankho mey hai yeh dukhan kis liye?

Yeh seena mera hath apne mere
Tere seene mey hai yeh chuban kis liye?

Mere paon jaleyn na jalayen tujh ko kia!
Mey jalon na tujhe hai jalan kis liye?

Ghazi ka Hath

Kal Ka yazeed khush tha na yeh Hath kat k?

Ab aik khauf os k muqqadar kay sath hai!

Kia hath hogaya hai umaiyya ki nasal sey!

Ab tu gali gali mey hi Ghazi ka hath hai: )

Aur Hoti Hai

Kiya Dawa Salooni Ka Ali Ney Ye Batanay Ko
Khilafat Or Hoti Hai Imamat Or Hoti Hai

KahaN Sadaat K Dushman KahaN Zehra K Shehzaday
Nahosat Or Hoti Hai Karamat Or Hoti Hai

Gunahgaron Ko Masoomon Se Kiun Mansoob Karte Ho
Halakat Or Hoti Hai Shahadat Or Hoti Hai

Bakshish Nahi Hogi Kisi Be'Namazi Ki
Magar Farsh-e-Aza Wali Ibadat Or Hoti Hai.

By Shaukat Raza Shaukat

Dhondh Raha Hun!

Koi tu chaley sath mere kerbobala tak
Measum ho k Salman ossey dhondh raha hun

Woh zakhm jo apno sey hi lagte hein hamesha
Han On k liye khaak-e-shifa dhondh raha hun

Intezar ki hud hai koi ? Aao khud hi batado?
Koan hai Mehdi jisse mey dhondh raha hun !

Toofan-e-yazidi mey Ali ka nara laga kay
Jo Parcham ko utha ley mey ossey dhondh raha hun

OR

Hairat hai k munkir k liye aj bhi zaidi
Bakshish ka koi aik sabab dhondh raha hun


Is Mujrim-e-Haider ki Shakal dekh k Abis
Forun hi jo miljaye saza ,dhoond raha hun !

Rona or Hasna

Woh teer-o-tabar k her aik ghumsan mey hasta hai
Jab mout sey larta hai her aan mey hasta hai

Ya Rab tere Haider k andaaz nirale hein
Mherab mey rota hai , maidan mey hasta hai

By Shaukat Raza Shaukat

Baqi Hai !

Piyas Ki Himmat Toot Gae Hai Or Piyasa Baqi Hai
Ab Bhi Har Aankh Mai Us k Naam Ka Dariya Baqi Hai

Soch Saqeefa Har Gaya Hai Dekh Mubahila Jeet gaya Hai
Saray Jhotay Jhoot Huwe Hain Or Woh Sucha Baqi Hai

Naaz Bharay Andaaz Mai Ye Shabir Yazeed Se Puchay Hai
Ab Kiya Mere Pass Nahi Hai Or Tera Kiya Baqi Hai

Duniya Walo'n agar Samjho Toh Jeet Isi Ko Kehtay Hain
Sara Kunmba Qatal Huwa Or Saara Kunmba Baqi Hai

Baap k Har Ek Dushman Se Shabir Abhi Tak Puchay Hai
Aao Dekho,Sun lo Kis k Baap Ka Naara Baqi Hai

Shimar Se Har Shaami Ne Pucha,Tum Kia Kaat K Laye Ho
chehra,jalwa,Lehja, Balkay Ye Toh Sara Baqi Hai

Saaray Matami Bakhsh k Allah Ye Shabir Se Keh Dega
Tu Ne Jo Ehsaan Kia Tha Uska Karza Baqi Hai

Saaray Bush,Saddam,Yazeed Or Saray Mulla Maan Gaye
Toot Gaee Barood Ki Taqat Or Moal'la Baqi Hai

Makka Madina Sham Kufa saray Ghumo Dekho phr Smjho
Arbo'n Arab Parain Hain Lekin,Kis Ka Shjra Baqi Hai

Jiski Nasal Kushi Ki Khatir tumne Sainkro'n Jangain Ki
Aaj Bhi Ghaybat k Parday Mai Uska Beta Baqi Hai

By Shaukat Raza Shaukat

yazid ki gardun

Baham bata rahey hein Alam or Zuljinah

Abbas or Hussain ka sadiyon ka sath hai !

Ja Ja lagey hue hein yeh panjey isi liyeee

Ghazi ka her yazid ki gardun pey hath hai

Ya Ali Madad - by Abis Zaidi

Wilayat ki seyhahi mey qalam ghol k Abis

Saanso ney wazzu ker k likha Ya Ali Madad

Mola ki Ziaraat ko yun byechain howa hun

Ankho sey bhi tapke hai sada Ya Ali Madad

Ab app hi ajayen na aik baar najaf sey

Seekhane k liye apni fiqa Ya Ali madad

Zaat-e-Jali ; Phele Ali

Mera Mola (Bay) Ka Nuqta hai Ba Hukum-e-Kibriyah
Ta K Usko Mazhar-e-Zaat e Jali Kehna Paray

Is Liye Bismillah Wajib Kar Diya Har Kam Mai
Jo Bashar Allah Kahay Pehlay Ali Kehna Paray.....

By Shaukat Raza Shaukat

Salam

Sipah e Deen Ki Toheed Aagahi Ko Salam
Kiya Khuda Ny Bhi Bandon Ki Bandagi Ko Salam

Suno Furaat Ki Lehr'on Se Aarahi Hai Sada
Ali K Ladlay Potay Ki Tishnagi Ko Salam

Yazeediyat Jisay Sadiyon Mai Bhi Na Maar Saki
Hussainiyat ! Tere Asghar Ki Zindagi Ko Salam

Tera Sukon Qazza K Liye, Qazza Tehra
Hansi Ka Waqt Na Tha Par Teri Hansi Ko Salam

Jahan Jahan Se Bhi Jhoola Guzar Gaya Tera
Woh Rasta Hai Mouziz Usi Gali Ko Salam

Na Janay Chotay Ali Ney Ye Kia Kiya Run Mai
Shabab ! Aaj Bhi Karta Hai Kamsani Ko Salam

Rabab ! Ab Tera Beta Bhi Betay Deta Hai?
Khuda Mizhaj, Payamber Sifat Sakhi Ko Salam

Najaf K Shah Ny Karb o Bala K Shah Se Kaha
Hussain ! Mai Bhi Ali Hun, Tere Ali Ko Salam

Zameen-e-Karb-o-Bala Se Yehi Kaho SHOKAT
K Tere Piyasay Muhammad Ki Be'Kassi Ko Salam.........

By Shair Al-e-Imran Janab Shaukat Raza Shaukat

Izhaar-e-mawaddat By Abis Zaidi

Jahan walon sey dushmani kuch is tarhan li hai
Jese sher ney jungle sey hi mo morh lia ho

Ali k dushmano sey nafrat kuch is tarhan ki hai
Jese duniya ko isi baat pey sada chor dia ho

Ghazi ki wafa lab-e-qalb sey is tarhan pi hai
Jese parcham k pharerey sey rishta jor lia ho

Matam ki ghari Abis ney qasam is tarhan di hai
Jese jism ka khoon pani ki tarhan nichor dia ho

Qasoor

Kabhi Bhi Jashan-e-Wiladat Nahi Likhi Maine
Khuda K Noor Ka Jashn-e-Zahoor Likhta Hun
Ali Ka Piyaar Bhi Maon Ki Dain Hai Shokat
Ali Ka Bughz Bhi Maa Ka Qasoor Likhta Hun

By Shaukat Raza Shaukat

13 Rajab - Updated

Murtaza Ki Aamad K Rang Dekh Kar
Mustafa Nay Kaha Ye Hai Mera RAJAB

Sun K Toheed Nay Muskura K Kaha
Yehi Yaksaan Karay Ga Sawera RAJAB

Is Tarha Bant Letay Hain Maah-e-RAJAB
Tu Bhi Razi Rahay Mey Bhi Razi Rahun

Mai Arsh Pe Manaon To Mera RAJAB
Tu Farsh Pe Manaye To Tera RAJAB

By Shaukat Raza Shaukat

13 Rajab

Khuda k Ghar ki Roshni yun Khuda k Ghar mey Utar rahi hai

Kay Bazm-e-imkan mey La Makan k , Makan ki kismat sanwar rahi hai

Butan-e-alam k buth paraston , butoon ki nabzon pey hath rakhna

Jahan yeh dobyen wahin samjhna , Rajab ki 13 ubhar rahi hai .

By Aqeel Mohsin Naqvi

Bagh-e-Fadak K Chor

Ali wali say jo dushmani hai, to jaltay kortay hayat kato

Tumhe mayasar nahi lehad mey, sakoon say eik raat kato !

Jo roz-e-mehshar saza milegi jab apne apne bure amal ki

Nida yeh ayegi sub say pehlay, fadak kay choron kay hath kato !

Os Baap Pey Bhi

Yeh Khoon, Badan, Rung, Nasab, Zaat k rishte .

Beymaini hen ager in mey na rishta ho Wali ka .

Meesaq mey hum ney tu yehi ehed kia hai .

Os Baap pey bhi lanat hein jo dushman hai Ali ka!

Do Markay

Do markey ta hashar na bholey ga Zamana
Khaiber ki taraf Haider-e-karar ka Jana
Masqiza liye neher pey Abbas ka Jana
Woh baap ka qissa tha yeh bete ka fasana!

Sher-e-Sher-e-Jali

This Poetry is based on the verdict between Imam Hussain A.S and Mola Abbas A.S. We all know that Mola Abbas was the Flag Bearer "Alamdar" of Imam Hussain's A.s army in kerbala and he never received permission from Imam Hussain a.s. to fight against yazid's army. The only time he interacted with yazid's army was when Imam Hussain sent him to talk to Ibn-e-ziyad after he blocked the shores of the river furaat and stopped the water supply for Imam Hussain's a.s army and family after 7th muharrum.

Imam Hussain called Mola Abbas and said :

Taaj Daar-e-Wafa Meri Maa Ki Dua
Esmato'n K Wali Mera Ek Kam Ker

Mere Lashkar k Salaar Nasir Alamdar
Piyarey Hakee Mera Ek Kam Ker

Murtaza Ki Shabhi Ae Meri Zindagi
Sher e Sher e Jali Mera Ek Kam Kar

Mey Muhammad Hun Is Waqt Is Doar Ka
Aaj Mere Ali Mera Ek Kam Kar !!!!

Mera Dil Hai Muareekh Ki Chashm-e-Qalam
Teri Tad'beer Ko Heelim Ko Dekh Le

Teri Jurrat To Sub Pe Ayaan Hai Magar
Yeh Zamana Tere Ilm Ko Dekh Le

Ban K Waris Salooni K Mimber Ka Tu
Kar Zara Guftagu Lashkar e Sham Se

Ye Hain Na Aashna Apne Aaghaz Se
Bey Khaber Hain Subhi Apne Anjam Se

Ye Samajhtay Hain K Jeet Jainge Yeh
Ja K Pardah Utha In K Ebhaam Se

Ja Inhain Ja k Samjha k Taqdeer bhi
Kanmp Jati Hai Shabbir k Naam Se !!!!

Bol Aese K Khaliq Ko Kehna Paray
Zaat e Haider K Akkas Kia Baat Hai

Aaj Nehj ul Balagha Ka Khaliq Kahay
Wah Mere Laal Abbas Kia Baat Hai :)


After getting orders from his brother and his commander Imam Hussain, he sat on his horse "ashal" with an anger on his face ; exactly like his father and went to see ibn-e-ziyad.

Sun K Ibn e Samad Le K
Daman Mey Ek Beniyazi Chala

Aaj Taigh e Dahan Se Ali Ka Pissar
Munkiron Ki Ulatne Ko Baazi Chala

Sir Pe Zill e Khuda Thokaro'n Mai Qazza
Kiss Adda Se Muqadas Namazi Chala

Murtaza Se Muhammad Ko Kehna Para !
Ya Ali Ap Khud Hain K Ghazi Chala ! :)

Malak Ul Mout Ne Kibriya Se Kaha
Ban K Tere Qehar Ki Misaal Aagaya !

Qabzehrwa Mere To Bus Mai Nahi
Gar Ali K Ali Ko Jalal Aagaya......

Some elders in yazid's army saw Mola Abbas coming towards them, which reminded them of Mola-e-kayenat Ali a.s. Indeed Abbas was his son and the blood showed the shadow of Ali in Khaiber as Abbas in Kerbala. Some of them as a fact were confuse..


Buzdilo'n Ab Qazza Ki Tayyari Karo
Aanay Wala Hussaini Alamdar Hai

Do Jari Khandano'n Ka Sangam Hai Ye
Is k Chehray Se Jurrat Namudaar Hai

Mout Ko Is k Saaye Se Lagta Hai Darr
Is Ki Talwaar Ka Waar humwaar Hai

Dabdaba Roob Tamkanad Phr Sakoon !!
Apni Har Ek Adda Se Ye Qaraar Hai

Then there was a silence!

Sub Saro'n Pe Sehaab e Qazza Chaa Gaya
Sub Ye Samjhay k Qehar e Jalli Aagaya

Jo Thay Bhooray Jawano Se Kehnay Lagay
Hum Galat Hain k Such Much Ali Aagaya !!!!

Mola Abbas's arrival was unexpected and the whole army was intimidated by the fact that Hussain has sent THE ABBAS already! Finally the voice of Ali was heard once again by some who remembered it from the battle of siffin, neherwan and jamal. Hussaini Alamdar said ....

Bad'Chalan Be'adab La'Nasab Shamiyon :@
Ye Hujoom e Baghawat Yahan Kiss liye ?

Tum Ho Haiwaan Seerat Geroh Dar Geroh
Mou Uthaye Chale Ho Wahan Kiss Liye ?

Zull Karam Zee'Sharaf Khandan K Liye
Hai Ye Zulmat Bhara Karwan Kiss Liye ?

Ku Ye Lashkar Bana? Tum Bhala Ho Bhi Kiya ?
Jaheelo'n Aagaye Ho Kahan Kiss Liye ??? :@

Sir Kashi Karne Walo'n Suno Ghour Se !
Ye Walli Apne Allah Ka Bhi Aun Hai !

Jis Ki Chokhat Pe Ghazi Ghulami Karay
Tum Nahi Jantay Ho k Woh Koun Hai.... :@


and the son of nejul balaghs's creator said :

Chal Raha Hai ye Sara Nizaam e Daher
Mere Mola Ki Anghusht K Phair Se

Mai Wazeer e Hussain Or Musheer e Hassan
Is Haqeqat Ko Samjho Ge Tum Dair Se

Na Gunaho'n Ki Hadd, Na Pa'dar Ki Sanad
Phir Ulajhtay Ho Tatheer K Shair Se !

Shehr-e-issiyan Ebtar k Makino'n Suno :@
Tum Mile Gandagi K kisi Dhehr Se :@

Mout Khud Mujh se Darti Hai Mai Kia Daro'n :)
Kanmpti Hai Qazza Mere Is Hath Se

Ehmaqo'n Qatal Ki Dhamkiyaan Or Mujhe ! :@
Buzdilli Ki Tawaqou, Wo Bhi Abbas Se ??

Gar mey Chahun Mere Ek Esharay Pe Tum
Zindagi Ki Haado'n Se Guzar Jao Gey

Mai Charo'n Taraf Phoonk He Maar Dun
Mout Ka Daayera Hai Jidhaar Jao Gey

Taigh Uthanay Ki Mohlat Mai Dun to Larro
Taigh He Na Chalay To Kidhar Jao Gey ???

Kiya Zarurat Hai Mujhe Teer O Talwar Ki
Tum Nihatay Ki Haibat Se Mar Jao Gey

Kia Karun k Karam Meri Ghutti Mai Hai :)
Dusra Amr-e-Shabbir Hai Sath Mai :)

Warna Chahun To ajsaam Thehre Rahen
Or Aajain Roohain Mere Hath Mai !!!


Written by Shaire Al-e-Imran Janab Shaukat Raza Shaukat..

Thora Pani Chaye

Phir Zamane ko koi Haider ka saani chaye

Waqt kheta hai Duaoon mey rawani chaye

Aoo Hum sub Roza-e-Abbas per chal kar Kahen

Jal rahi hai sari Duniya Thora Pani Chaye!

Kia Bataon Ap ko Khush Kismati Abbas Ki!

Kia bataoon aap ko khush qismati Abbas ki
Fatima Zehra sey hai wabastagi Abbas ki

Goud mein Zainab ki dey kar hat gaeen Ummul Baneen
Karbala par waqf kardi zindagi Abbas ki

Hamla-e-Akbar mein dekho naujawani ki jhalak
Jurrat-e-Asghar mein dekho kamsini Abbas ki

Dushmanon ko khauf hai, Zainab ko hai itminaan
Jab talak khaimon mein hai mojoodgi Abbas ki

Paar kar paya na lashkar ek halki si lakeer
Thi tu halki see magar khenchi hui Abbas ki

Meri Hasti

Mere ehsas mein paiwast hai yun yaad-e-Hussain

Dil mein tooti hui barchhi ki anni ho jaise

Karbala mujh mein hai yun teri zameen ki khushbu

Meri hasti teri mitti se bani ho jaise!

Ausaf-e-Jali

Har koi zamane ka Wali ho nahi sakta

Aur Mazhar-e-Ausaaf-e-Jali ho nahi sakta

Mat toal isey aqal kay meezan mein Irfan

Jo aqal mein aaye woh Ali ho nahi sakta!

Syed Irfan Ali Abedi

Aulad-e-Ali

Ankh Soti Hai Hamare Dil Kabhi Sotey Nahi

Apne Mansab ki Haqeeqat ko Kahin Khotey Nahi

Teer Kha ker Muskora Ker Khe Gaya Asghar Mujhe..

Hum Hein Aulad-e-Ali Maidan Mey Rotey Nahi !

By Shaukat Raza Shaukat

Jeena Ali Sey Seekha Hai - Marna Hussain Sey

Khaeen hein jab sey rotiyan is dar ki shubo sham
Katne lagi hai zindagi aram-e-chen sey

Abis yeh raaz ajj khula zeest ka teri
Jeena Ali Sey Seekha Hai - Marna Hussain Sey

*****

Her doar mey uthta hi raha parcham-e-Abbas
Kitni Taweel umr hai is Sher-e-Ali ki

yun tu gharane hein buhat izaton waley
per arsh pey izat hai tu sirf Nasl-e-Ali ki

Abis yeh ajab khel tu khele hai Qaza sey
Pharne ki kiya adat hai tujhe Nad-e-Ali ki

By Abis Zaidi

Lab-e-Haider Ki Janbish Per, Kaha Touheed Ne Aksar

Lab-e-Haider Ki Janbish Per, Kaha Touheed Ne Aksar
Hamare Haq Mey Bhi Khutba Koi Irshad Hojaye!!

Agar Naad-e-Ali Padhne Ki Rasm Ejaad Hojaye
To Her Seene Mein Ik Taaza Najaf Aabad Hojaye

Agar Ehl-e-Watan Naam-e-Ali Lay Kar Badhen Qadam
Mera Eemaan Hai Kashmir Tak Aaazad Hojaye

Nara-e-Haider by Abis Zaidi

Haider ka Ziker Sun k Jo Besheer Pala hai

Her Doar mey Mukhtar ki Tasveer raha hai

Abaad Rahi Nasal Or Abaad rahey gi

Shabbir Ka gham jis ki bhi taqdeer raha hai

OR

Katey jo munafiq ka jiger ajj bhi Abis

Han Nara-e-Haider hai jo shamsheer raha hai

Gham-e-Hussain By Abis Zaidi

Hai Zindagi Udaas Gham-e-Hussain mey
Noha kuna her saans Gham-e-Hussain mey

Pani na dia Zalim rotey hein ajj tak
Bethe hue yeh Dariya Gham-e-Hussain mey

rawish yeh ajab dekhi kerbal k bad sey
apno ko bhi rota hun tu Gham-e-Hussain mey

bughz-e-Ali sey hath k , dekho wiladaton ko
rotey hue atey ho Gham-e-Hussain mey

Abr-e-karam jo barsey mey manta hun logo
per falak sey pocho kia Gham-e-Hussain mey ?

Her pal yeh dua mangi umr-e-taweel ho gar
Allah mere guzre Gham-e-Hussain mey

Abis yeh tera khoon hai jo kheta hai aj tak
Jo bhi likho likhte raho Gham-e-Hussain mey

Hussain k Dar sey Khaak Leylo ; Khaak Mey bhi Shifa tu hai na!

Hussain ki dar sey khak leylo
khak mey bhi shifa tu hai na

zameen hai asman sey bheter
k is pey farshe aza tu hai na

yeh dil musalsal dhrak raha hai
saqi ka matam bapa tu hai na

adan tu her matmi ka haq hai
Hussain pey khoon baha tu hai na


Ali ki ulfat bina yeh sajda
Ada bhi hoga ; qaza tu hai na

Habib yeh soch ker jawan tha
hussainiat ka aasa tu hai na

najat mushkil hue tu kia hai
Ali hi mushkil khusha tu hai na :D

Meri zuban per Ali Ali hai
mujeh bhi Ma ki dua tu hai na

Jali bara hai , Ali bara hai
Khuda nahi kibriya tu hai na:D

woh aik shab bi khe k soya
chalu khuda ki raza tu hai na!

ager ali ka pata nahi hai
phir apne ghar ka pata tu hai na?

Salam her Matmi ki Ma ko
halal zada jana tu hai na:)

faqeer muflis malang shah ka
ghareeb hai , baap ka tu hai na

tujhe ali sey nahi muhabbat?
nahi muhabbat saza tu hai na!

romal zehra ka , hur ka matha
jaza ki din tak jaza tu hai na:)

Ghilaf-e-Tauheed sey larai - Ghilaf-e-kaaba ko chomtey hein?

yeh kibriya pey pardah kabhi para hai bhala?

wila k kam na roko wali na ajaye:@

isi liye tu dararyen chupayin hein tum ney

tumhe yeh dar hai k phir sey ali na ajaye

*****

Ali ki tanzeel ka fasana abhi yeh izhar ker raha hai

Ali hai joaf-e-haram mey utra tabhi mutabar raha hai

Yeh hajj pey jana tawwaf kerna kabhi tu is falsafey ko samjho

Jahan chakar laga raha hai Ali ka saqda utar raha hai

*****

mey sochta hun jahan waley ager munafiq nahi tu kia hein?

Ulaj k haider sey os k jaaye zahoor k gird ghomte hein!

Dekahyi deta nahi woh Allah - Ali k ander chupa howa hai

Ghilaf-e-tauheed sey laryi,ghilaf-e-kaaba ko chomtey hein?

Lo Saari Dunia tum leylo - Bus Aik Ali Hum Lete Hen

Darain ki Khusiyan tum leylo
Shabbir ka gham hum lete hein

sab deher ki gulshan tum rakhlo
aik bagh-e-irum hum lete hein

tum takht sambhalo khush ho k
mimber ka bharam hum lete hein

Darain k parcham tum leylo
Ghazi ka Alam hum lete hein

Kul arab ki malkiyat tum lo
kerbal ki gali hum lete hein

lo sari dunia tum leylo
bus aik Ali hum lete hein

Meri namaz-e-janaza mey woh shareek na hon!

Aza-e-shabbir mey har waqt rota rheta hun
Dua kero k mere dil k zakham theek na ho

aur Ali k ziker sey jalta hai jin ka dil Abis
meri namaz-e-janaza mey woh shareek na hon!