Mene Kaha Ali meri sansoo mey Hai basa - Tu Hi bata K kese Jiyon saans Rok kay?
Her Doar Apne sath Lata Hai Aik yazid - Her Doar ko Rahe Gi zarorat Hussain ki.
Aray Jannat say tu behtar ha Aazakhan-e-Shabbir - Dushman bhi yahan ho tu nikala nahi jata :)
Jab Bhi Kabhi Zameer Ka Sauda Ho Doston - Qaim Raho Hussain K Inkaar Ki Tarhan !
De Mauj-e-Hawadis unko bhi do char thapere halke se - Kuch log abhi tak saahil se tufaan ka nazara karte hain ! Labaik Ya Hussain
Jaye Ga Qamer Khuld Mey Her Sheh Ka Azadar ! Doazkh Haram Os Pey jo Shabbir Pey Roye!
Heraan Hai Dunya Mere Chehre Ki Chamak Per - Mitti Dar'e Haider Ki Jo Mathay Pe Mali Hai
Asool-e-Deen, Shariyat , Kitaab-e-Haq ka Bayaan - Yeh Sab Hai Deen Tu Sunlo , K sab Hussain Sey Hai !
Hasab Nasab Ka Khiyal Ker K Mere Khuda Bant de Manasib - yazidiyon ko yazid dede- Hussainiyo Ko Hussain dede
Lehed Andher Raat Hai , Mager Hussain Sath Hai - Jahan Koi Nahi , Wahan bhi Aasra Hussain Hai
Is Baat Pey Reh Jata Hoon Akser Mey Machal Ker - Kheta hai Nuseri Mere Khene Pey Amal Ker !
Yehi kahoo’n ga Ali se, Ali miley mujh ko - Jo koi mujh se ye pouchay ke kya Ali se mila ?
Madhe Mola Mey Ibadat Ka Maza Aata Hai - Shair Parta Hon Tilawat Ka Maza Aata Hai !
Suno Furaat Ki Lheroon Sey Arahi Hai Sada - Ali k Ladley Pote'y Ki Tashnagi Ko Salam
Rab ne Ali ko rizq ki taqseem ata ki - Kuch maang kar ley letey hain, kuch bhonk ke khaein !
yazidiyat ab bhi shakal chupaye phirti hai Mohsin - Khuda ka Khauf nahi, Darr osey Hussain ka hai !
Mey Husn K Sarey Zawiyon Ko Hussain Mey Dhondta Hon Shaukat - Mera Aqeeda Sa Bangaya Hai Haseen Likhna - Hussain Pharna :)
Mere Maathe Pey Mheraab-e-Ishq-e-Ali - Tere Maathe Pey Akhir Shikan Ki Liye ?
Baap k har aik Dushman se Shabbir abhi tak pochey hai - Aao dekho sunlo kis ke baap ka nara baqi hai !
Paakizigi-e-Rooh-o-Badan Hai Ali Ka Pyar -Hai is Liye tu shar't ,Taharat Namaz Mey
Nuseri ! Ishq-e-Haider Mey Haddon Ko Paar Maat Kerna - Kinare Per Kisi Ka Doobna Acha nahi Lagta :(
Mita Sako Gey Na Ander Ki Bhook Ander Sey - Tumhare Sir Pey Kisi ShehenShah Ka Hath Nahi!
Sulb-e-Haider Mey Wafa Ka Noor Tha Tu Maan Lo - Baap ka Mairaaj Ki Shab Hum Safar Abbas Hai :
Jab Jahan Dekhen Yeh Parcham Beth Jate Hen Wahan - Jiska Koi Ghar Na Hona Os Ka Ghar Abbas Hai !
Abhi Tu Beej Booya Hai Natija Dekhna Iska - Sada Matam Ki Uthey Gi Inhi Banjar Zameeno Sey !
Zinda rehna hai tu halaat sey darna kaisa - Jang lazim hai tu Lashkar nahi dekha Kerte!
Yeh ehad-e-wafa hai ta'aluq hai bakht hai - Meesaq mey hi humne chuna Matam-e-Hussain
Tamam Umr Tarapne ke Baad Samjha hon - Hayat Kya hai Mosalsal Hussain Ka Gham Hai
fart-e-alm se mere farishte bhi ro pare -jab gosha-e-lehd mien kia, Matam-e-hussain
Maza Deyti Hen On Ko Zindagi Ki Thokaryen Mohsin - Jinhe Nam-e-Ali Ley Ker Sambhal Janey Ki Adat Ho!
Hai haq niga-o-haq nazar, jari diley shair-e-nar - Sabhi giryen hain maut par, Magar Hussain aik ha
Maloom Hai Sab Kuch Tumhe Kiun Daal Rahe Hen ? Her Qoum Ko Aik Hur K Liye Paal Rahe Hen !
Taqleeq Abhi Goum Thi Hijabaat-e-Adam Mey - Os Waqt Musavvir Ki Nighaon Mey Ali Tha !
Apna Raf’ul’yadain Tabbarey Ki Misl hai - Adat Bani Hue Hai Ibadat Namaz Mey !
Kabhi Rassi Galey Mey , Kabhi Khyber Hai Hathon Mey - Jahan Jesi Zarorat Hai , Wahan Wesi Shuja'at Hai..
Namaz Teri Qaza Hui Tu Jahan Mey Iski Ada Hai Mumkin - Kabhi Bhi Isko qaza Na Kerna , Ada Na Hogi Qaza-e-Matam
Her Aik Gham Sey Hai Shabbir Ki Khushi Pyaari -Her Aik Khushi Sey Bhi Barh Ker Alam Hussain Ka Hai!
Suf Baandh Ker Khari Hen Jahan Ki Haqeeqatyen - Tareekh Likh Raha Hai Nawasa Rasool Ka..
Zulm-o-jabr Ki Inteha suey nainawa yazid - Ulaad teri ajj bhi zillat mey khari hai !
Ali a.s ka naam ley ke chor dete hen safeenay ko - Hamare samne khatraat mustaqil nahi hote !
Zaidiyon Ko Aye Samjh Abis Yeh Dua Ker / Kon-o-Makk'an Ka Sab Sey Bara Raaz
Hai Tu Bus Ali
Chaho Ager Kareeb Na Aye Koi Malaal - Khush Ho K Ya Ali Kaho :) Ro Ro K Ya Hussain :(
Kuch aise saleeqe se ata karta hai Ghazi (as) -Duniya ye samajti hai Khuda baant raha hai ....
Is Sheher Ki Her Aik Dar-o-Dewaar Pey Likh Do - Hum Ahl-e-Aza Moat sey Hergiz Nahi Darte - Hum Soag Manate Hey Hussain Ibn-e-Ali Ka - Janat K Liye Majlis-o-Matam Nahi Kerte!
Tum Eid Ki Khushiyon Mey Kabhi Bhool Na Jana - Bazaar Mey Muslim Ki Abhi Laash Parri Hai
Mey wajullah sey kat ker bandagi ka soch lon kese - Khuda sey pyar tu kerta hoon moo maari nahi kerta!
Aye Musalmaan Teri Bakhshish Ki Woh Zaamin Hoti - Kaash Tu Ney Dil-e-Zahra na Dukhaya Hota !!!
Kiya Dawa Salooni Ka Ali Ney Ye Batanay Ko - Khilafat Or Hoti Hai Imamat Or Hoti Hai
Minna't Karen Malak To Na Jaun Bahisht Main - Rehne Ke Waaste Jo Mujhe Karbala Mile !
Zulm Apni Inteha Per Thak K Jab Roney Laga - Tab Ali Asghar Ney Socha Muskorana Chaye!
Mat kero Abbas ki talwar ka zikr Mohsin - Ek Alam se hi pareshan hain yazeedi ab Tak!!!
Batil ke Samney Jo Jhukaye Na Apna Sir - Samjho K Os K Zehan Ka Maalik Hussain Hai !
Aankho K Sahilon Pey Hai Ashkon Ka Aik Hujom - Shayad Gham-e-Hussain Ka Mosam Kareeb Hai !
Khilaf-e-Majlis-o-Matam Ager Kisi Ney Kaha - Qasam Hussain Ki Mukhtar Ban K Boleyn Gey !
Bhejun yazeed per main kyun na laanatein - Ye dushmani hai aur merey ghar k saath hai !
Agar Hussain kay Matam mey kuch nahi rakha ! Tu phir yazeed kay bachoon mey khalballi kiun hai ? ( Jo Nah Bheje Os Pey Bhi Lanat -Byeshumar )
Hai la-shareek ke bandou'n main la-shareek Hussain - Khuda k baad Khuda sa bharam Hussain ka hai
Tareeq Nay Ghairat Ka Khuda Likha Hai Jisse - Her Morh Pey Zainab Ki Rida Maang Raha Hai !
Kabhi Dekh Apney Khameer main, Kabhi Pooch Apney Zameer Se / Wo jo mit Gaya yazeed tha, jo Na mit Saka HUSSAIN (A.S) Hai
Saal Mey Chapti Hen Bida'at Ki Kitabyen Jitni - Otna Hum Bachon Ko Dus Din Mey Phara Dete Hen!
Haider Sey Adawat Woh Jahanum Hai K Jis Mey - Kuch Ahl-e-Amal Apne Amal Jhonk K Jayen / Raziq Hai Ali Rizq Tu Deta Hai Sabhi Ko - Kuch Maang K Khatey Hen Tu Kuch Bhonk K Khayen !
Mey Dhoond Hi Raha Tha Elaaj-e-Gham-e-Hayat - Byesakta Kisi Ney Kaha , Matam-e-Hussain!
Mere Mola Daulat-o-shorat nahi mey Mangta -Karbala ke Zikr mey bus Apna Hissa chaye :)
Jab Say Suna hai qabar mai ayee gay Ya Ali (a.s) Mohsin dua hayat kee karna hee chor dee
Aye Khak-e-Madina Tere Zarroon Mein Abhi Tak - Hum Bint-e-Payamaber Ki Lehad Dhond Rahe Hain !
Hum Sahaba Ki Ghulami Karen Tab Bhi Kafir - Woh Mazarat Giraker Bhi Musalman Rahe ! Byeshumar
Meri Jabeen pe raqam ho yehi huroof-e-jali - Ali Imam-e-manasto manam Ghulam-e-Ali
Zehra Say Taqaabul Tu Bari Baat Hai Nadaan - Tareeqh Mey Tu Humsar-e-Fizza Hi Dekha Dey !
Mey Aiteraaz Tera Kese Maan Loon Waaiz - Ali, Ali hi Nahi Hai Ager Madad Na Karey!
Maat Cher Murtaza K Malango Ko Khoamakhaw - Salman Rhene Dey Humey Mukhtar Maat Bana
Bagher ishq-e-Ali tuune is zamane mey - Taveel umr guzari mager jiya bhi nahi !
Tum alhe salam hojatey - Haq Jo Zehra Ka deydia hota!
Baarood K Sholoon sey Daratey ho laeenoo ! Andhey Ho Kabhi Aag Pey Matam Nahi Dekha
Halaf Uthao k Sans len gey yazidiyat ka nishaan mita ker! Har aik Mushkil ko taal den gay har aik zamaney mey muskura ker!
So ker khuda ki sari rizaaen kahreed leen - Jibreel ne jaga k kaha Ya Ali Madad
Ali ka zikr sunte hi utar jate hen jo chehre - Hame Sorat bhi un ki dekhna acha nahi lagta
Ali Bhi naam hai khaaliq ka laikin bughz-e-Haider mey - Tumhain naam-e-Khuda bhi Baa khuda acha nahi lagta !
Kashti Bhanwar mein ho tu Kinara Hussain(as) Hai !
Kalma-e-Tawheed Ki Haqq-e-Wilayat Ki Qasam -Shirk Hai Ghayron Ko Maula Ke Baraabar Sochna
Sajdoon ke dagh laaiq-e-sud Ehetraam Hen - Matam ka aik nishaan banalay tu baat karr !
Abis k sath dekh inhi matam ki saffon mey - morh morh k dekhte hen koi dekhta na hoon
Zarb Kha kar bhi Jo Qatil Ko Pilaye Sharbat - Zeyb Deta Hai Use Saaqi-e-Kosar hona
Jab kon-o-makaan Ku'n kay Iradon mai Nehaan thay - Os waqt Bhi Khaliq k Gawahon mey Ali tha
Aal-e-Nabi k Dar Pe Ni'yat se Aa Zara - Kia Mil sakey ga tujh ko bhagoray se Mang kar - Is dar k tu Haiwan bhi Taalyen Musibaten - Aa Daikh le Hussain K Ghoray se Mang kar ! :)
Ali Ka Naam Hi Aazam Woh Ism-e-Aazam Hai - K Jis Kisi Ney Pukara Osi K Kaam Aya !
Falak Pey Thi Tu Koi Isse Janta Bhi Na Tha - Mila Jo Panja-e-Haider tu Zulfiqar Bani
Shaheed-e-Kerbala Ka Gham Jisey Bhi Na'Gawaar Hai - Woh Bad'amal Hai, Bad'naseeb, Osi Pey Byeshumar Hai !
Jannat Mey Bhi Shabeer Tere Gham Ki Qasam Hai - Matam Na Karyen Hum Tu Azadar Na Khena..
Shaukat mujeh marna hai basad shauk Gawara - Hoti hai ager marke mulaqaat Ali sey :)
Hum jo Talwaar ka qabzay main kalayi dangey - Unkay ajdaad bhee qabroon main duhaee dangey
Acha Hai Jallo Zikr-e-Ali Sun K Musalsal - Hojao Gey Maanos Jahanum Ki Fiza Sey :)
Gham e Hussain amanat hai aaj ki mohsin - Yeh rizq meine bachaya hoa hai kal ke liye
Hum 12 Imamon (a.s) kay paristar hain logon - Marr jatay hain, ghairon ko pukara nahin karte !!
Pachtaye ga yeh khe k jahanum mey molvi - kia kia kiya mager na kiya Matam-e-Hussain
Ghalat Nazar Bhi Ali Mey Na Pa Saki Passti - Ali Khuda Nazar Aaya Ager Ghalat Dekha :
Nahi Hon Abid-o-Zahid Mager Zaakir Hon Mola Ka - Ali K Zikr Sey Meri Taharat Ho bhi sakti hai !
Majlis-e-Hussaini Mey, Zindagi Badalne K - Gur Sikhaye Jate Hen , Hur Banaye Jate Hen!
Zikr-e-Murtaza Ker K Hum Tu Chere Phar Phar K - Zaaiche Banate Hen Waldiyat Batate Hen !
Qalandar Ne Diya hai Dars Ye Saray Zamane ko - Jo Darr Jaye Zamane se Wo Ali Wala nahi hota
Toori Gayin Hussain key Gham Mey Jo Chooriyan - Hooryen Utha Kay Le Gayin Zeywar Kay Wastey.
Hamarey arzian likhney pe kyun khafa ho bhala.? Tumhara bhi koi zinda ho usey khat likho
Mana ke jashn batate hain hum zamane ko - Hum hi woh log hain jin ka IMAM zinda hai.
Majlis mein aana iss liye bid'at bata diya - Yaad-e-Ghadeer aati hai, mimbar ko dekh kar
Baap ke haathon me khaiber, Tere chullu me furaat - Mojize bakshe Khuda ne ye gharana dekh kar
Ager Rizq Aqal-o-Danish Sey Milta Tu Janwar or Bewaqoof Zinda Hi Na Rhete - Mola-e-Kayenat Ali Ibn-e-Abi Talib a.s
Parcham-e-Hazrat-e-Abbas (as) se doori kaisi / Kya tumhen ab bhi Alamdar (as) se dar lagta hai ???
Hawa Khilaaf Thi Leykin Chiraagh Khoob Jala - Khuda Bhi Hone K Kia Kia Saboot Deta Hai
Is ki dhmak se zalzale qasr-e-yazeed mien - Tarkeeb-e-radd-e-ranj o bala, Matam-e-hussain
Kut Kut K Girey Zulm K Parcham Zameen Per - Tera Alam Jawaan Hai Chudusoo Saal Sey
Hamare Han tu yeh taleem ka mayar hai shaukat - Qalam rakhe na wo jis ko Ali likhna nai aata
Abid Ka Woh Jalal Tha Darbar-e-Shaam Mey - Zalim yeh Pochta Raha , beemar Koan Hai ???
Ajab Lari Hai Jung Bhi Hussain ney yazid sey - Bus Issey Bhar K Jeet Kia , yazid Tha Hussain Hai
Baiyat ka zikr jis ne kiya tha Imam se - Zainab zabaan kaat ke layi woh Sham se !
Zheno Mey Mawaddat Ki Qadorat Hi Na Parti - Dozakh Ko Banane Ki Zarorat Hi Na Parti..!!
Sir deke do jahaan ki hukumat khareed li - Mehenga para yazid ko sauda Hussain ka
Inhi Sey Chali Thi Khuda ki Khudayi - Inhi Par Khudayi ki Hud Hogyi Hai...
Mola tere munkir ko maarne ke wastey / Talwar ki zarorat nahin naara hi bohot hai :D Mil ker, Haideryyyyyyyy
Yeh hajj pey jana tawwaf kerna kabhi tu is falsafey ko samjho / Jahan chakar laga raha hai Ali ka saqda utar raha hai :D
Jo bughz-e-aal-e-muhammad mey mar gaya shaukat - koi bhi dour ho bas wo yazeed hota hai!
Mujh Sey Aker Jo Sadqa-e-Ali Akber Mange ! Aese Saail ko Mey Wall'ah Jawani Deydon!
Talaash-e-Rizq ki Khatir jo Soye Asmaan Dekha ! Sitare Tere Dastar Khawan K Tokrey Nazer Aye :)
Miqdad, AbuZarr, Qumber aur Ammar bhi jeewan bhar Shaukat /Masroof rahay iss koshish mey, Salman samajh mey ajaye ! :)
Masjid Ki Saffon Say Kabhi Maqtal Ki Taraf Dekh - Tauheed Tujhe Shabbir (a.s) K Sajday Say Milay Gi
Abutalib ka bughz khas nishani ha nasal ki - Pehchan leta hoon kay marvan koan hai !
Kehte Hain Rif’at Kisey Aur Auj-e-Insaani Hai Kya - Fatima Zehra Ke Dar Par Sar Jhukaa Kar Sochna !
Hum Ghulamaan-e-Ali Hain Daulaton Se Be-Niaz - Har Shahenshahi Se Humko Qumbari Achi Lagi !
Such tu ye hai ke dilon ki taharat ke liye - Zikr-e-Shabbir mein ashkon se wuzu hota hai !
Mushkilon ka shukriya, mujh per inaayat hogyi - Ya Ali Mushkil-Kusha (a.s) khene ki A'adat ho gayi.
DAST-E-YAZID-E-ASR MEIN HAI PHIR NIZAAM-E-WAQT / HAR HAR QADAM HAI KARBOBALA, YA ALI MADAD
Zamaane Walon K Agey Woh Jhuk Nahi Sakte - Alam Jo Hazrat-e-Abbas Ka Utha K Chale !
Woh khaak jo Sajjad k ashkon sey hue num - Os khaak sey Mola k Azadar bane hen
Kerte Ho Tum Rasool Ka Kitna Aheteram / Zehra Ki Qabar Dhoop Mey Is Ki Daleel Hai !
Tauheed ki chahat hai tu phr karbobala chal - Warna yeh kalli khul k khilli hai na khiley gi
Dozakh munafiqon ki ibaadat ka hai jeyheyz - Jannat Ali k zikr ki pheli zakat hai!
Mey Saya-e-Tooba Ki Khanuk Rut Sey Hoon Waqif / Mola teri Galiyon Ki Mager Chaoon Ghani Hai !
Baad-e-Naseem Kheti Hai Her Gul Ko Cher Ker / Tum bhi Tu Muskora K Kaho , Ya Ali Madad :)
Log khene lage Shia ko kafir kafir - Apney Ajdad ke kartoot chupane k liye !
Sir hateli pe liye phirte hen hum tu Mohsin -Dosti Aal-e-Muhammed sey nibhane kay liye !
Shaukat jo Mubahiley Mein Muhammed ki gawah thi - Us Sey Bhi Musalman Gawaah Maang Raha Hai ?
Kal ka yazid khush tha na yeh hath kaat kay? Ab Aik khauf Os Kay muqaddar Kay sath hai.
Sajde Mey 7 uzn lagey jab zameen per - 14 ki hogyi na ziyarat namaz Mey ! :)
Is Qoum K Roney Ko Yehi Baat Barri Hai - Zehra Bhare Darbar Ney Haq Maang Rahi Hai!
Ye Sooch Ker Kerte Nahi Dushman Say Marawwat - Jo Sheh Ka Nahi Wo Mera Ho Nahi Sakta !
BeKhauf Ho Rahi Hai Azadari-e-Hussain - Dil ko Sukoon Hai k Alamdar Sath Hai !
Zamin se Aasmaan talak nazar gyi jahan jahan - Dua Dua Asar Asar Hussain hi Hussain hai !
Un Kay Hathon sey Luti Bagh-e-Risalat ki bahaar - Jo Namazon Mein Sada Parhtey Rahey SALLEY ALA !
Pocho na ta'ajub se aqeede ko humare - kitnoo ne to ghabraa k khuda maan liya hai!
Majlis Mey Tu Hen 5 Bhi Saye Mey Isi K - Abbas Ka Parcham bhi Hai Zehra Ki Kissa Sa!
Hai Zikr-e-Panjetan isi panjey ke sayey main - In Paanch unglioun pe bharosa hai paanch ka.
Dekho arooj-e-khak-e-rah-e-Karbala kay aaj - Jannat yeh chahti hai mein hoti zameen per!
Kuch der farz kijiye, ye majlisen na hon - Sara jahan Hussain ka qaatil dikhayi dey!
Khuda ki zaat moimma hai aasmano per - Zameen pey os k bhi haal ko Hussain khete hen !
Tu Qaber K Bahar Jo kerle - Teri Qaber K Ander, Ali Ali
Hotey Hongay Kunj-e-Marqad Mey Farishton K Sawal / Hum Sey Tu Kuch Bhi Nah Pocha Shakl-e-Haider Dekh Ker =)
Naam Donoo Per Likhe Hen Warna Duniya Pouchti - Koan Si Nehaj-ul-Balagha , Koan Sa Quran Hai !!!
kushta shod aaz jaffa - Ya Hussain - Ya Hussain !
Aazan Dengi Tumhari Aankhen, Namaz Misray Adaa Karain Gey / Tum Aisa Karna K Rah-e-Haqq Main, Hussain Parh kar, Hussain liknna!
Jis Ali ne Ali ko Banaya Ali, Woh Ali Janta Hai muqam-e-Ali / Asr-e-misaaq per Dil ki Jageeer per, Chal raha hai musalsal Nizam-e-Ali
Yeh mehsoos hoga k janat mey ho tum - Zara majlison mey tum aakar tu dekho
Hum Rooh-e-Safar Hen Humey Namo Sey Nah Phechan - Kal or Kisi Doar Mey Ajayen Gey Hum Log! :)
No comments:
Post a Comment