Imam Hussain (A.S) Aur Karbala
HUSSAIN(as)
Tujh per mera Salaam ho aik dasht-e-be gayah
meri muhabbato ki aqeedat wasool kar
aaya hoo riffato ki tamana liay huay
Mera khaloos meri Duaain qabool kar
KARBALA
ay ajnabi thehar mujay itni duaa na day
pehli bhi meri khaak hay nabio say sharmsaar
meri hado say juld guzar ja ba-ahtiyat
Main Karabala hoo meri tabahi say hoshyaar
HUSSAIN(as)
tere ujaar pan ka mere paas hay ilaaj
tujh ko khabarnahi kay main ISSA (as) ka naaz ho
may nay to bachpanay may farishto ko parr diay
apna maraz bata may kaarsaaz hoo
KARBALA
Meri raggo may hanmpti rehti hay shub ko maut
din main meri fiza may barasti hain bijliaa
Shaam-o-Sehar balaoo ka amskan may har taraf
hur soo bikhar rahi hain hawaoo may hichkia
HUSSAIN
ay nainwa uddas naa ho hosla na haar
laya hoo tere waastay pegham-e-zindagi
may khud ujar kay tujh ko basaoo ga iss tarah
teri sehar banay gi meri shaam-e-zindagi
KARBALA
mera ye mashwara hay musafir palat hi jaa
shayad tujay khabar nahi mere junoon ki
garmi say jaa ba lub hain tere kaaflay kay log
laikin meri rago ko zaroorat hay khoon ki
HUSSAIN
dhoonday ga aasman teri zarro may nikhatain
tujh ko ata karoo gaa woh pochak dekhna
mere lahoo say tujh ko mile ga wo martaba
khaak-e-shifa banay gi teri khaak dekhna
KARBALA
Dawa na kar kay mujh ko basana muhaal hay
aisa koi jahaan may paida nahi hua
hur fard ko talash-e-musarrat hay dehar may
koi tabahio ka to sheda nahi hua
HUSSAIN
may woh hoo jis ko sirf tabahi say pyaar hay
mere hi dum say arz-e-tawalla banay gi tu
may iss tarah parhoo gaa yaha akhrii namaz
rutbay may misl-e-arsh-e-muallah banay gi tu
KARBALA
Mumkin nahi kahi pay bhi yeh keemya gari
jo farsh-e-berida ko koi taaj bakhshday
aisa koi bashar nahi dekha jo iss tarah
zaro ko choo kay arsh ki mairaaj bakhsh day
HUSSAIN(AS)
ay khaak-e-besamar mera aijaaz dekhna
ik baar mere saath zara muskura ke dekh
zamin hoo tujh ko khuld say barh kar sajaoo gaa
ay khita-e-udaas mujhay aazma kay dekh
KARBALA
aaye thay log mujh ko basanay kay shouq may
aik pal may sub kay subr kay saagar chalak gaye
tu taaza dum sahi magar itna khayaal kar
meri udaasio say payamber bhi thuk gaye
HUSSAIN (as)
wo log anbiya thay magar may imam hoo
mumkin nahi kay deed kay badlay shaneed loo
tujh ko sanwarnay ki tamanna bhi zid bhi hay
chal tay yeh hochuka haykay tujh ko khareed loo
KARBALA
mujh ko sanwarnay ki tamman hay gar to sun
itna lahoo to ho kay may jis say sanwar sakoo
roz-e-azal say hay meri qismat bujhi hui
kia kuchh hay tere paas may jis say nikhar sakoo
HUSSAIN (as)
laya hoo apnay saath bahatar(72) dilo ka rang
is kay siwa nazar may kaii aur gurr bhi hain
chay (6) may kay sheer khuwar bhi humrah hay mere
behno ki chadrain hain sakeena kay durr bhi hain
Muslim, HAbib, Joan say ashaab hay yaha
jo mar bhi jaye aur tujay aasra bhi dain
laye gain woh bahaar yaha apnay khoon say
dekhay tujay malak to falak say duaa bhi dain
KARBALA
Hur chand la ilaaj hain meri uddasiaa
laikin yeh hosla yeh muhabbat kamal hay
nuskhay sabhi durust sahii khawahishain baja
may kia karoo kay tu koi ZEHRA ka laal hay
Hussain (as)
aahista bol itni daleelay naa day mujay
gustakhia naa kar kay shah-e-mashreqain hoo
lay abb laga raha hoo teri khaak per qayaam
itna bharak rahi hay to sun may HUSSAIN (as) hoo
No comments:
Post a Comment