Abbas Hai !

Kibriya k Noor Ka Noor e Nazar Abbas Hai
Elim Ka Dar Hai Ali Or Dar Ka Dar Abbas Hai

Baar'ha Shabbir Ne Quraan Ki Tafseer Ki
Mai Agar Wal'Sham's Hun to Wal'Qamar Abbas Hai

Mukhbir e Sadiq Muhammad Ne Ali Se Yun Kaha
Ya Ali Koi Nahi Tujhsa, Magar Abbas Hai

Kibriya k Sher Haider Ne Muhammad se Kaha
Maine Kab Socha Tha Ghazi Is Qadar Abbas Hai

Sulb e Haider Mai Wafa Ka Noor Tha To Maan Lo
Baap Ka Mayraaj Ki Shab Humsafar Abbas Hai

Aati Hain 9 Hujjatain Is Ki Salami K Liya
Faisla Tum Khud Karo Kia Moutabar Abbas Hai

Majlis e Shabbir Mai Aata Hai Jo Shakhs Usko
Woh Dua Milti Hai k Jiska Asar Abbas Hai

Jab Jahan Dekhain Ye Parcham Beth Jatay Hain Wahan
Jiska Koi Ghar Na Ho Na Uska Ghar Abbas Hai

Shaukat Raza Shaukat