Piyas Ki Himat Toot Gae Hai Or Piyasa Baqi Hai
Ab Bhi Har Ek Aankh Mai Us K Naam Ka Dariya Baqi Hai
14 Sadiyan Beet Gaen Ek Dasht Mai Uska Khun Gira
Kitnay Shehar Ujaar Huwe Hain Or Wo Sehra Baqi Hai
Ek Ki Khatir Ek Ny Aesa Ek Kiya Hai Duniya Ko
Lakhon Lashkar Khak Huwe Hain Or Wo Tanha Baqi Hai
Khanjar,Teer,Kamanain,Bhalay,Talwarain Sab Toot Gaen
Aslehy Walay Faan Huwe Or Ek Nihatta Baqi Hai
Mehshar Mai Shabbir Jo Aaye, Be Awaz Pukaray Ga
Dekho Har Ek Cheez Faani Hai Or Wajah Allah Baqi Hai
Jiski Nasal Kooshi Ki Khatir Tum Ny Kitni Jangain Ki
Aaj Bhi Ghaibat K Parday Mai Uska Beta Baqi Hai
Makah,Koofa,Sham Madina, Ghumo Dekho, Phr Samjho
Arbon Arab Paray Hain Lekin Kis Ka Shajra Baqi Hai??
1400 Barason Mai Kitnay Haris Bin Nouman Jalay
Sab Pakiza Saanson Mai "Man Kunto Mola" Baqi Hai
Kitnay Mohsin, Kitnay Nusrat, Tum Ny Roz Shaheed Kiye
Kon Ruka Hai Kon Darra Hai Sabka Jazba Baqi Hai
Shia Ki Tareekh Mittana Tab Tak To Namumkin Hai
Jab Tak Is Quraan K Ander Lafz e Shia Baqi Hai
Kiya Fouladi Jism Hai Uska Kiya Mazboot Eradah
Sar tapa Hai Para Para Or Saraapa Baqi Hai
Mere Shah Ny Deen Ki Khatir Jo Rasta Tameer Kiya
Roz Hazaron Aandhiyan Aain Or Wo Rasta Baqi Hai
Saaray Matami Bakhsh K Khaliq Ye Shabbir Se Keh Dy Ga
Tu Ny Jo Ehsaan Kiya Tha Uska Qarza Baqi Hai
Shimar Se Har Shaami Ny Pucha Tum Kehtay Thay QATAL Huwa
Chehra, Jalwa, Lehja Balkay Ye To Saara Baqi Hai
Naaz Bharay Andaz Mai Ye Shabbir, Yazeed Se Kehta Hai
Ab Kiya Mere Pass Nahi Hai Or Tera Kiya Baqi Hai
Duniya Walon agar Samjho To Jeet is hi Ko Kehtay Hain
Saara Kunba Qatal Huwa Or Saara Kunba Baqi Hai
Mere Haan Jo Lafz Thay Maine Kaghaz Par Undail Diye
SHOKAT Is Anwaan Pe Ab Bhi Sab Kuch Kehna Baqi Hai ........
No comments:
Post a Comment