Ajj ki is nazam ka unwaan hai tu Bus Ali,
Deen Hai, Islam hai, Imaan hai, tu bus ali
Parh zara Quran mai Nafas-e-Nabi ka tazkira,
Sari Duniya mai Nabi ki jaan hai tu Bus Ali,
Tum jisey hakim banao ya Khalifa manlo,
Ajj bhi Quran mai Sultan hai Tu Bus Ali.
Mustafa ke haat se jis ney paraha kabal a`z Nazul,
Dahar mai wo Qari-e-Quran Hai tu Bus Ali.
Parda-e-Wehdat ke bahar tu ga’ey hain Mustafa,
Pardey ke ander koi mehmaan hai tu Bus Ali.
Murtaza ko khalaq karkey khud kia us ney ghuror,
Kibriya ki Kibriyaai shan hai tu bus Ali.
Ba’ey Bismillah se wannaas se karlo safar,
Khud Khuda bhi jis ka madha khwan hai tu bus Ali,
Aalimana Umer mai jis ki Samaj aai nahi,
Shafaai ki soch ka armaan hai tu Bus Ali…….
Surma Dheron Rahey mere Nabi ke ird Gird,
Mard hai tu bus Ali, Maidan hai tu Bus Ali….
Jesy Momin ka nufka haina Wilaey Murtaza,
Wesy Munkir ke liye nuksaan hai Tu Bus Ali…
Hashar ke din hasher hojaey ga jab amal ka,
Us kayamat ka koi saman hai tu Bus Ali
No comments:
Post a Comment