Hareem e Qalb o Nazar Ki Azan, Hussain Ki Maa
Jahan Jahan Bhi Risalat, Wahan, Hussain Ki Maa
Kalam e Haq Mai Kahin Par Bhi Tera Naam Nahi
Ye Tere Parday Ka Hai Ek Dheeyan, Hussain Ki Maa
Ali K Laal ! Tere Zikar Ka Karam Warna
Ghareeb Khana Kahan, Or Kahan Hussain Ki Maa
Suna Hai Hashar Ki Garmi Mai Ambiya Ko Bhi
Teri Ridah K Talay Hai Amma, Hussain Ki Maa
Ali K Jouf Mai, Kaaba Ki Chat Pe Hai Mehdi a.s
Khuda Ka Ghar Bhi Hai Tera Makan, Hussain Ki Maa
Hussain o Mini Kaha Is Liye Muhammad(saww) Ny
Tu Mustafa K Liye Bhi Hai Maa, Hussain Ki Maa
Mere Yaqeen Ka Saara Hunar Bhi Sarf Huwa
Mai Pa Na Saka Tumhara Gumaan, Hussain Ki Maa
Tera Hee Zikar Shafa'at Hai Aasiyon K Liye
Meri Nijaat, Teri Dastaan, Hussain Ki Maa
Padar Rasool, Walli Zojah Or Pisar Masoom
Tamam Rishton Ki Rooh Rawan, Hussain Ki Maa
Teri Hee Goud Se Mehshar Talak Hai Nasal e Muhammad
Tu Ek Ho K Bhi Hai Karwaan, Hussain Ki Maa
Zameen, Aab, Namak Hai, Sadaq Bint e Nabi
Jahan Walon Ka Saara Jahan, Hussain Ki Maa
Khuda Ki Khalq Mai Kiya Shareek Hai Koi ??
Jawab Iska Ye Hoga Haan,Hussain Ki Maa
Hijab e Ghaib Mai Sadiyan Guzar Gaen Ab Tak
Imam a.s, Tujh Pe Hai Girya Kunaa, Hussain Ki Maa
Maashray Ki Tapish Haar Bhi Gae SHOKAT
Mere Qalam K Liye Sayebaan, Hussain Ki Maa
No comments:
Post a Comment