Lo Aaj Meri Nazam Ka Unwaan Hai Phatar
Heera Hai, Agar Sahib e Erfaan Hai Phatar
Zillat K Nishan Hai, Kabhi Zeeshan Hai Phatar
Haider Ki Adawat Ho To Insaan Hai Phatar
Phatar K Bhi Seenay Mai Agar Ishq e Ali Hai
Phir Taaj Ki Zeenat Usi Phatar Ki Dalli Hai
Allah Ny Jab Khalq Kiya Arz o Sama Ko
Paani Ko, Zameenon Ko, Paharon Ko, Hawa Ko
Tashkeel Diya Usny Suraiyya Ko Seera Ko
Nazil Kiya Har Cheez Par Haider Ki Willa Ko
Duniya Ny Usi Shay Ko Ali Maan Liya Hai
Jis Ny Mere Haider Ko Walli Maan Liya Hai
Moujood Hai Quraan Mai Phatar Ki Heqayat
Milti Hai Kitab'on Mai Bhi Ab tk Ye Riwayat
Ki Waqt K Allah Ny Jis Waqt Inayat
Phatar K Paharon Pe Utari Ye Willayat
Is Amr Pe Dil Jis Ny Bhi Masroor Banaya
Kush Ho K Khuda Ny Usay Koh e Toor Banaya
Mansoob Jo Phatar Mere Mola Ki Taraf Hai
Phatar Kabhi Yaqoot, Kabhi Durr e Najaf Hai
Phatar Ko Agar Shah Ki Ulfat Ka Sharaf Hai
Allah Ka Ghar Phr Usi Phatar Ka Sadaf Hai
Han Han Wo Hajar e Ashiq e Masoom Raha Hai
Ab Tak Usi Phatar Ko Jahan, Chum Raha Hai
Phatar Ki Bani Markaz e Toheen Shabihain
Sarkar Ki Munkir Hain Wo Be'Deen Shabihain
Phatar Se Hee Mazroob Huin 3 Shabihain
Hajj Pe To Ibadat Ka Hain Aaiyen Shabihain
Hai Mera Sawal Aaj Har Ek Fiqqay Pe
Fatwa Hai To Shabbir K Ghoray Ki Shabih Pe
Phatar Se Ibraheem Ny Taswir Kya Ghar
Aqsa Ki Haweli Se Hee Tabeer Kya Ghar
Allah Ny Yun sahib e Touqeer Kya Ghar
Tanzeel e Ali K Liye Tameer Kya Ghar
Phatar Mai Jo Moujood Willayat Ka Asr Tha
Jab Elm Ka Darr Aaya To Deewar Mai Dar Tha
Jab Arsh Pe Taqreeb Hui Aqad e Ali Ki
Anwar Se Maamur Haweli Thi Jalli Ki
Sarkar K Chahnay Walon Ny Khushi Ki
Chupti Nahi Ye Baat AgarCha Hai Kabhi Ki
Darain Ki Taqdeer K Yawar Huwe Phatar
Sidrah K Khazanay Se Nichawar Huwe Phatar
Jab aalam e Izhaar Se Zahir Huwe Phatar
Phatar Na Huwe Balkay Jawahir Huwe Phatar
Tatheer Ki Tazeem Se Tahir Huwe Phatar
Taqdeer Badalnay Mai Bhi Mahir Huwe Phatar
Kiya Elm Wo Phatar Bhi Jiye Jainge Kab Tak??
Masoom Mazaron Pe Nazar Aatay Hain Ab Tak
Kuch Khass Muqamat Pe Aata Raha Phatar
Quraan K Dushman Ko Mitta'ta Raha Phatar
Kaabay K Udoo Maar Girata Raha Phatar
Har Munkir e Haider Ko Jalata Raha Phatar
Phatar K Rawayye Se Hee Ye Baat Khuli Hai
Quraan Hee Kaaba Hai To Kaaba Hee Ali Hai
Shehra Huwa Elaan e Wilayyat Ka Jo Har Soo
Haris Bin Nouman Ny Paali Kahin Soo Boo
Allah Ki Rehmat Se Ye Kehnay Laga Bad Khoo
Haider Ko Nahi Manta, Wo Kehta Hai Ya Tu
Haris Ny Wilayyat Ka Jo Inkaar Kiya Hai
Fill Al Foor Khuda Ny Usay Sangsaar Kiya Hai
Is Nazam Ki Jilbaab Mai Jo Alfaz Seeye Hain
Quraan Ki Tareekh Se Maqtal Se Liye Hain
Ye Faislay Arbaab e Qalam Ny Bhi Kiye Hain
Phatar Ko Khuda Paak Ny Bhi 2 Roop diye Hain
Momin Hai To Momin Ki Anghoti Mai Jarra Hai
Munkir Hai To Makhlooq K Paon Mai Para Hai
Kuch Sang Dilon Mai Jo Gae Phool Ki Beti
Ek Dasht Mai Phatar Ki Ridah Sar Pe Lapeti
Yun Zainab e Muztar Ny Wo Takleef Sameti
Araam Se Phir Aun Ki Madar Nahi Leti
Us Waqt Se Phatar Huwe Yun Naam e Ghareeban
Phatar Se Ubalta Hai Lahoo Sham e Ghareeban.....
No comments:
Post a Comment