Ali Shaoor Ki Sarhad Mai Aa Saka Bhi Nahii
Or Ye Inteha e Ali Hai K Inteha Bhi Nahi
Ali Khuda o Muhammad K Baad Sab Se Buland
Ye Mere Zehan Ki Had Hai Magar Pata Bhi Nahi
Tamam Mushkilain Haal Ho Gaen Hain Lamhon Mai
Abhi Mai Soch Raha Tha Ali Kaha Bhi Nahi
Ajib Marz Hai Bughz e Ali Jis Mai
Koi Dawa Bhi Nahi Hai Koi Shifa Bhi Nahi
Molvi Baghair Ishq e Ali Tu Ny Is Zamanay Mai
Taweeel Umar Guzari Magar Jiya Bhi Nahi
Jisay Ali Ki Mohabat Pe Mout ai Hai
Maza Ye Hai Wo Mar Bhi Gaya Mara Bhi Nahi
Ali Se Hashar Mai Allah Khud Ye Keh Dy Ga
Koi Tera Bhi Nahi Hai To Phir Mera Bhi Nahi
Tera Libas e Shariyat Willa e Dhagay Se
Agar Seela Bhi Nahi Hai To Phir Sillah Bhi Nahi
Andheray Qabar Mai Ye Sochna K Ajar e Rasool
Wahan Dia Bhi Nahi Hai Yahan Diyya Bhi Nahi
Ali Wali K Adoo Or Kiya Saza Ho Tujhay
Namaz Parh Bhi Raha Hai Or Adda Bhi Nahi
No comments:
Post a Comment