Kia Bataon Ap ko Khush Kismati Abbas Ki!

Kia bataoon aap ko khush qismati Abbas ki
Fatima Zehra sey hai wabastagi Abbas ki

Goud mein Zainab ki dey kar hat gaeen Ummul Baneen
Karbala par waqf kardi zindagi Abbas ki

Hamla-e-Akbar mein dekho naujawani ki jhalak
Jurrat-e-Asghar mein dekho kamsini Abbas ki

Dushmanon ko khauf hai, Zainab ko hai itminaan
Jab talak khaimon mein hai mojoodgi Abbas ki

Paar kar paya na lashkar ek halki si lakeer
Thi tu halki see magar khenchi hui Abbas ki