Maa ne isay khud haider-e-karrar banaya
Shabbir ne rahwaar pe dilber ko bithaya
Abbas ne phir jaang ka aaieen bataya
jab naad-e-Ali perh ke wo maidaan mai aya
wallah wo es shaan se maidaan mai utra
jaisay koi QURAAN ho juz-daan mai utra
keein shair ke shagird ne jab oonchi nigahain
ha ho ki jagah lainay lagien kanpti aahain
karrar ke farzand ne jab khool dien banhain
Mastood huwien lashkaar-e-kuffar ki rahain
bolay ke mera mansab-e-ajdad hai GHAZI
larna ho to aao mera ustaad hai GHAZI
kam zarf thay lartay bhi kahan aali sharaf se
daar daar ke aadu hatnay lagay apne hadaf se
bas reham karain aai sada chaar taraf se
tab shah-e-madina ne kaha shah-e-najaf se
youn tishna dahan aap ne bhi jang larri hai?
daikhain to qaza bandhay huway hath khari hai
shahbaaz ke hamlay ne zameen sari hila di
pindaar-e-umayya ki bhi dastaar girra di
bayyat ki jabeen sersh ke paoon pe jhuka di
lashkaar ki taraf daikh ke GHAZI ne sada di
tum jaang pe tyaar thay karrar ki khou se
ab bach ke dikhaoo mujhe haider ke lahoo se
kia jaang thi kia walwala-e-naaz-e-arab tha
touheed se her naqsh-e-ada daad talab tha
wallah ghazab-ullah ke chehray pe ghazab tha
ruktti bhi qaza kaisay ousay paas-e-adab tha
shagird ko abbas-e-jareen thamnay aye
jo samnya aye wo na phir samnay aye
jab OUN ke qadmoon pe jabeen raiz qaza thi
talwaar ki tehreek mai khaliq ki riza thi
Shabbir ke hontoon pe tabasum tha dua thi
9 lakh zubanoon pe yehi aik sada thi
karrar hain jarrar hain jangju hai wali hai
maray gaye es gher mai to saray hi ALI hain
No comments:
Post a Comment