Kamaal

Toheed se HUSSAIN ki hai agahi kamaal.
Ab tak HUSSAIN baant raha hai wohi kamaal.

Khoon e HUSSAIN khaak mein phir khaak me shifa.
Zulmat ravi kamal hai chaara gari Kamaal.

Sajdey mein sar jhuka hua naizey pe sar buland.
Iqraar b kamaal hai inkaar b kamaal.

Moqa miley kabhi to zara HUR se puchna.
woh sarwari kamaal k ye nokri kamaal?.

ASGHAR hansa to RAB ne kaha yeh HUSSAIN se.
Mera ALI kamaal k tera ALI kamaal.